Husflidstausa

Skatter frå restekassen

2012-02-10T19:58:00.001+01:00

Var på kurs i regi av NLQ for to veker sidan. Kursholder var Nancy Eriksen, og kurset heitte skatter frå restekassen. Eit veldig trivelig kurs. Kjempespennande å setje saman alt mulig av farger og mønster, og likevel få så flotte tepper. Enkle blokker, men utrulig effektfulle.

Denne blokka heiter "jewel-blokk", og kan syast med både mørkt og lyst stoff for å binde saman dei mønstrete. Alle kursdeltakarane sydde fire blokker på kvar iløpet av fredagskvelden, og vips vart det eit ganske så stort teppe.

Denne blokka heiter "dobbel 4-er blokk". Ei utrulig enkel og effektfull blokk. Vi gjorde det på same måten her. Sydde fire blokker på kvar, og vips så hadde vi eit heilt teppe. Var artig å sjå at resultatet kunne bli så bra, sjølv om vi sette saman blokker ifrå 15 kursdeltakarar.

Nancy hadde med seg mange flotte modeller. Dette er to av dei. Desse er sydde av samme blokka, men på det raude teppet har ho felt inn hjørneblokker i ramma rundt. Plasseringa av fargane gjer også til at teppene blir totalt ulike.

Mitt resultat etter helgas innsats. Veit ikkje heilt kva det skal bli ennå, kanskje ein duk til hagebordet på hytta? Må i såfall sy veldig mange fleire blokker......

Lenge sidan........

2012-02-10T12:04:00.000+01:00

Ja, ja, det er visst veldig lenge sidan det var noko liv her inne no. Kvifor? Nei, ikkje veit eg. Det har rett og slett berre blitt slik. Litt dovenskap kanskje?
Idag har eg iallefall rydda litt i utsjånaden til bloggen. Nytt fotoapparat er kome til heimen. Eg har til og med vore på eit lappekurs for to veker sidan. Så får vi sjå då, om det kanskje kjem eit innlegg også iløpet av dagen/kvelden. Eg lover ingenting, for eg har fri idag, og planar om å få gjort masse i huset....

Ny "fasade" på bloggen...

2010-05-29T10:52:00.008+02:00

Bloggen har fått ny "fasade", og då tenkte eg det passa godt å vise nokre fasadebileter av hytta. Er blitt heilt hekta på redigering av HTML-koder, og alle dei fiffige mulighetene som då dukkar opp angåande utsjånad på bloggen. I tillegg har eg fått mobilt breiband på hytta, så når eg sit her åleine utan TV, kva ellers skal eg bruke tida på enn data??? Det er jo så moro..., men no må eg skjerpe meg og komme meg ut i sola ein tur.

Litt nytt på handarbeidsfronten

2010-05-16T13:52:00.008+02:00

Forrige søndag kosa eg meg på syrommet, og sydde denne vesle sminkepungen. Den er sydd av restestoffa etter denne veska. Eg vart inspirert etter å ha følgt med på bloggen til Timotei og sett alle dei fine ho lagar. Undervegs oppdaga eg at eg hadde gjort feil med lukkekanten og bretta den dobbel. Vart smalt og vanskeleg å få til glidelåsen sjølv om framgangsmåten var godt beskrive både med tekst og bilete. Sminkepungen er satt saman av 80 kvadrat på 4*4 cm.

Ellers har eg "rota" vekk mange timar idag framfor dataen, med å endre bloggen til tre kolonner. Synest det vart oversiktlig og fint no (men kanskje er det enkelte som må scrolle for å sjå heile sida?). Googla framgangsmåten på nettet, endra HTML-kodar, og vips så fekk eg det til. Neste steg no er å lære meg bilderedigering. Ønskjer meg ein "kolasj" i headingen, nokon som kan hjelpe?

Nei no får eg hive meg i studiane. Eksamen neste veke igjen. Siste for denne gangen.............

OG PÅSKA GJEKK MEG HUS FORBI......., MEN EG RAKK Å SY BITTE LITT.

2010-04-17T22:03:00.004+02:00

Ja, det er vel på høg tid med ei lita oppdatering her. Jula varer heilt til påske heiter det, og det er visst tilfelle her hos meg. ........Tida går med til jobb, studier, hus og heim. Meir rekk eg rett og slett ikkje for tid. I påska tok eg meg imidlertid fri frå studier og reiste på hytta. Brukte tida til å lese ei god bok og gå tur/få frisk luft. Begynte også på eit syprosjekt, som på sikt skal bli eit veggteppe. Her er eg igang med syinga. Blått og brunt med innslag av brunrødt og orange.
Store kvadrat i første omgang, så får vi sjå kor vegen går.........

Har iallefall arbeid ei stund med å sy saman kvadrata, 224 stk tilsaman, som så skal skjærast sund igjen på eit vis, og syast saman igjen på eit vis, og bli til eit eller anna på eit vis. Vent og sjå, resultat kjem ein vakker dag før du veit ordet av det............

SÅ VART VI KLARE TIL JUL I ÅR OG...

2009-12-24T12:24:00.003+01:00

Med dette biletet vil eg ønskje alle "blogglesarane" mine ei riktig GOD JUL.

Har vore ein hektisk haust med økonomistudier i tillegg til full jobb + ein del plager med helsa, så tida har rett og slett gått altfor fort. Det har vorte lite juleforberedelsar, men jul blir det uansett. No er vi stort sett klare her i huset. Nissegraut på låven på Eikeland kl 1300, ein tur utom gravene for å tenne lys, så er det heim og lage klar middagen. Ser fram til nokre rolege dagar med tid til famile og venner, før det blir lesing til ny eksamen rett over nyttår.

Tosidig løper endelig ferdig.

2009-11-05T18:20:00.004+01:00

Siste helga i august var eg på Nordfjordeid på lappekurs i TOSIDIG TEKNIKK. Når eg kom heim frå kurset var det omtrent berre lukkekanten igjen på denne løparen. Det tok med andre ord nokre veker før lukkekanten vart falda til på baksida, men no er det gjort. Kurset var kjempekjekt, og teknikken var enkel og flott. Relativt hurtig å sy også. Løparen måtte jo bli i brunt og blått/turkis. Så dei som lurte på kva stoff eg skulle ha sjølv i det forrige innlegget, har nok skjønt det no. Dei brune og blå/turkise er mine.
Her er løparen allereie teken i bruk på hytta. Legg merke til kor godt lysa matcha duken då. Dei er jo selvfølgelig turkise..............
No er det lesing til eksamen som gjeld. Skal ha eksamen i Grunnleggande bedriftsøkonomi med regnskap på mandag. Det blir spennande.

Shopping..

2009-11-01T23:03:00.005+01:00

For to veker sidan var eg på helgebesøk hos ei venninne i Oslo. Var ein tur innom Katrines Quiltestue og snopa litt lappestoff. Skal sy fire kuvertbrikker til venninna mi, så ho fekk plukke ut stoffa eg skal bruke sjølv. Dei andre stoffa skal eg ha liggande på lur til rette anledninga.

Kan du gjette kva for nokre stoff eg skal ha sjølv?

Sommerlig og søt veske.

2009-09-27T21:38:00.004+02:00

Eg har sydd meg ei ny veske, "Mathilde´s sommerveske". På junimøtet i lappeklubben fekk eg ein del kommentarar om bæreposen eg brukte til veske. No skal det bli slutt på, eg lovar. Veska vart riktig søt og sommerlig, og for å framheve det enda meir, monterte eg rosestitchery der eg sydde på trykknappane. Likte mønsteret veldig godt, passeleg stor og god fasong.Framsida av veska
Baksida av veska

Innsida av veska

STUDENTLIV

2009-09-08T19:04:00.003+02:00

Nokon som synes det er stille her på bloggen? Ja, ja. Dokke har vel kanskje ikkje rukke å reagere ennå, her har jo aldri vore så veldig høg aktivitet. Men, uansett. Her er grunnen. EG ER BLITT STUDENT. Iløpet av det kommande året skal eg studere fire fag på bedriftsøkonomistudiet, totalt 30 studiepoeng. Dette skal foregå på nettet, ved sida av å være i full jobb, så eg får nok å henge fingrane i/bryne hovudet på framover.

PS: Har store planar om å sy litt innimellom all lesinga...........

Gevinst til basarveke

2009-08-24T19:58:00.003+02:00

Her er mitt bidrag til basarveka som Nordfjord lappe- og quilteklubb skal ha.

HORNELEN

2009-08-16T12:49:00.010+02:00

Vi har lenge snakka om at vi burde prøve å "bestige" Hornelen, og endeleg passa det å gjere eit forsøk. Til tross for overskya vær med tåke på toppen, og framleis litt vond ankel, tok vi fatt på den firetimers lange turen ifrå Berleneset. Dei to første timane gjekk vi på flott sti, med litt ujamn stigning. Siste halvdel av turen gjekk stien på stein, stein og atter stein. Det var ein lang tur, men vi såg at tåka letta på toppen etterkvart som vi nærma oss, så vi heldt motet oppe.
Stolt sønn på toppen av Hornelen, med Leirgulen og Borten i bakgrunnen. Tåkedottane ligg framleis og truar på nokre kantar, men dei forsvann litt etter litt.
Dette biletet er teke heilt framme på klippa, der ein ser 860 m rett i havet. Skummelt...
Har sett at mange lar seg fotografere liggande framme på klippa, men høgdeskrekken min som gjer seg gjeldande i nokre få tilfelle, tillot ikkje denslags ablegøyer.

Noko av det Hornelen er kjent for, er at fjellet er kløyvd i to, og i denne kløfta ligg det ein stor stein. Her er det mogleg å hoppe over til andre sida for å ta bilete ned igjennom kløfta. Eg turde ikkje å strekke meg så langt at eg fekk ta bilete (det måtte mannen gjere), men eg hoppa over til andre sida for å sjå. Det var eit spektakulært syn, å sitje der på huk og sjå rett i havet gjennom denne 860 m høge kløfta.......

Kan nemnast at det blir utført jevnlige målingar for å følgje med på om kløfta utvidar seg, noko ho gjorde seinast på 60-tallet. Forskarane frykta vel til og med ei stund at heile Hornelen skulle rase i sjøen. Det får eg verkeleg håpe at aldri skjer, for det blir litt av ei flodbølge!!!

Her ser vi Måløy bakerst i biletet.

Sondre (som var den tøffaste av oss), måtte nyte synet ifrå alle kanter. Når han sat på kanten her, sa han berre ojjj, ojjjj, ojjjj, ojjjj...... Trur nok det var litt høgt ja.

Her er mor sjølv på veg nedatt den første ura. Vi var utruleg heldige med turen. Overskya og passe temperatur å gå opp i, tåka som letta medan vi var på toppen og gav oss ei utruleg utsikt, sol og vindstille når vi skulle gå nedatt. Det var ein lang tur for ei som er relativt utrena, men ein fantastisk opplevelse.

Er du interessert i å sjå fleire bilete ifrå Hornelentur?

Sjekk denne bloggen her.

Baking, krim og sekskantar.

2009-07-23T20:14:00.003+02:00

Den siste veka har det vore mykje regnvær. Mann, sønn og hund er på ferietur. Eg er heime åleine då eg jobbar denne veka også. Frysaren var tom , så eg har baka fleire kveldar i strekk for å fylle opp med gjærbakst. Godt å ha på lur når ferien startar. Reknar med at vi får ein del besøk på hytta framover. I tillegg til det som viser her, har eg baka 9 grovbrød , 50 vaniljesnurrer og 60 muslirundstykker. Skulle tru at dette held ei stund ????

De er hjerteleg velkomne til ein smak!

Innimellom deiglaging, heving og utbaking, les eg krim. Ikkje ofte eg tek meg tid til å lese bøker lenger, men når eg gjer det, så les eg krim. Desse bøkene kan anbefalast på det sterkaste. Lettlesne og spennane ifrå første til siste side. Har bestilt to bøker til av samme forfatter, så her blir det meir lesing framover om regnværet fortset. Eg kosar meg sjølv om det regnar eg........

Og så har eg sydd nokre sekskantar. Mallemor og Halldis er også ferdige med sine. Tidlegare i sommar arrangerte eg blåtur for Nordfjord Lappe- og Quilteklubb. På turen fekk alle deltakarane velge seg to gaver. Desse gavene inneheldt materiell til å sy to store og to små sekskantblomster. Iløpet av neste vinter er det planen at eg skal montere alle blomstrane til eit eller to tepper som skal loddast ut ved eit seinare høve.

Spørs om eg har teke meg vatn over hovudet, men det vil no tida vise......

ØNSKER ALLE EIN FORTSATT FIN SOMMER.

NO TEL EG TIMANE TIL FERIEN STARTAR...... 20 TIMAR IGJEN.....

Eventyrteppet

2009-07-08T22:46:00.004+02:00

Dei siste vekene har vi hatt strålande sol her på vestlandet. Då eg ikkje er så veldig glad i å sole meg, men veldig glad i varmen, har eg oppholdt meg under terrassemarkisa med stitchery på ettermiddagane. Er no ajour med alle mønstra, og det er framleis veldig kjekt.

Songen ved det store djup.

2009-06-21T18:32:00.005+02:00

Idag har eg vore på Kinnaspelet saman med ei venninne og sett teaterforestillinga "Songen ved det store djup". Det er første gongen eg har fått med meg denne hendelsen, men det blir ikkje den siste. Ei fantastisk oppleving i flott natur, og idag også nydeleg vær. Kan anbefalast på det varmaste.

JORDBÆRSJOKONØTT

2009-06-07T21:38:00.002+02:00

Til alle blåturdamer i Nordfjord Lappe- og quilteklubb (og andre kakeglade mennesker).

Her kjem oppskrifta på JORDBÆRSJOKONØTT

Nøttebunn
2 egg
200 gr brunt sukker
200 gr mandler og nøtter (veldig godt med litt valnøtter i)
1/4 plate hakket lys kokesjokolade
1/2 ts bakepulver

Pisk eggedosis av egg og sukker. Tilsett dei andre ingrediensane forsiktig. Legg bakepapir i bunnen på ei 22 cm form. Smør og strø godt. Steikast ved 150 grader i 45 minutt på midterste rille. La bunnen avkjøles godt på rist.

Sjokoladeglasur
1/2 dl kremfløte
1 plate mørk kokesjokolade

Smeltes forsiktig i ei panne, og smøres utover bunnen når den er godt avkjølt.

Pynt
1 dl kremfløte
1 pk Piano vaniljekrem
½ plate lys kokesjokolade
1 korg jordbær

Stivpisk kremfløyta og blande med vaniljekrem. Smøres utover bunnen når sjokoladen er stivnet. ½ plate hakket kokesjokolade drysses over vaniljekremen. Avkjøl kaka godt, før man deler jordbær i fire og legger på toppen..

Ferdig hytte innvendig, del 1

2009-04-19T23:03:00.002+02:00

Stova med nyrestaurert sjeslong og gyngestol
Frå stova mot soveromma

Gjesterommet er klart til å ta imot overnattingsgjester

Kjøkken (med underteikna i oppvasken)

Ferdig hytte innvendig, del 2

2009-04-19T22:58:00.003+02:00

Sykrok
Soverom

Soveromsmøblement

Skap i gangen (var tidlegare syrebeisa og lakka)

Stort og godt vaskerom

Ferdig hytte utvendig

2009-04-19T22:53:00.003+02:00

PÅSKA 2009

2009-04-19T22:13:00.005+02:00

Påska iår vart feira på hytta, med strålande ver to av dagane. Dette biletet er ifrå ein fjelltur til Fanneskarvarden, med utsikt rett fram til Grotlesanden. Det er min mann som har vore på fjelltur, mine føtter kan ikkje gå så langt foreløpig.
Utsikt ifrå hytta mot Liset og vidare vest i havet.
Wilma trivast også på hytta. Kosar seg i solskinnet.

Slumreteppet heilt ferdig

2009-04-19T21:36:00.003+02:00

Var i Førde på regionstreff for Sogn og Fjordane idag. Hadde med slumreteppet mitt til utstilling, så då fekk eg endeleg teke bilete av det ferdige produktet.

Litt gammalt, og noko nytt.......

2009-04-03T11:40:00.003+02:00

Igår kom desse bøkene i posten, flybårne ifrå New Zealand. Har veldig lyst å begynne på teppet: An Angels Story, men kor skal eg ha eit slikt stort teppe? Kanskje eg kan lage fleire små??? Skal iallefall kose meg med bøkene i påska, sjå og planlegge.....
Inspirert av sikkert tusenvis av bloggarar rundt omkring i den vide verda, er også eg begynt å hekle. Tenkte det ein gong skulle bli eit slumreteppe/sengeteppe. Då treng eg ca 250 ruter.... Ja, ja, kanskje ein gong. Er iallefall veldig kjekt ennå. Brukar heklekrok nr 3 og Rauma finullgarn i offwhite, lysbrun melert og mørkbrun melert. Litt "safe" fargeval gjerne, men trur det blir fint der eg har tenkt å ha det.

Har også strikka meg eit sokkepar til. Plundra slik med hælen på det forrige paret, så fann ut at dette måtte gjentakast nokre fleire gonger for å lære det skikkelig. Denne gongen gjekk det mykje betre. Legg merke til foten, som no er utan gips. Deilig !!!!!! Er så vidt begynt å gå utan krykkjer, så no gjeld det berre å være forsiktig, og trene tålmodig slik fysioterapeuten anbefaler.

"Eit hjertepar" (mønster av AnnaKa), er endelig blitt ferdig. Trur eg begynte på dei desember 2007. Ting tek tid....... Desse havnar på ein smal vegg, i ein krok, på hytta. Med eit kamera som ikkje tek så altfor gode bilete innandørs, var det ei fryd idag og gå ut i ein tørr, begynnande grønn hage og fotografere quiltearbeida. Trur våren er komen for å bli no.........

Har leita fram fem gamle ufoer, som no skal gjerast ferdige. Er så vidt begynt å applikere med maskin rundt hus og naust. Desse vart påbegynt hausten 2003, så det er vel gjerne på tide å fullføre dei.

Ellers er vi no endeleg komne heilt i boks med hytta. Manglar litt møblar, hyller og dekor på veggane. Men det får vi ta etterkvart. Skal utover i helga for å planlegge uteområdet. Gleder meg...... Skal legge ut nokre hyttebilete iløpet av påskehelga.

HA EI RIKTIG GOD PÅSKE ALLE SAMAN !

BAKEKLEDE

2009-03-11T10:28:00.004+01:00

Har endeleg fått gjort heilt ferdig bakekledet mitt..............og då måtte det jo sjølvsagt testast ut.
Under bakekledet skjuler det seg sjokoladeboller og kanelsnurrer.......

MEIR NÅLEPUTE

2009-02-25T10:36:00.003+01:00

Måtte sy ei nålepute til, medan eg var i farta. Var kjekk å sy. Denne skal eg ha på hytta.

Nålepute og dukkegenser

2009-02-24T16:33:00.004+01:00

Har sydd ferdig nåleputa, som var tema på februarmøtet i Nordfjord lappe- og quilteklubb.

Dukkegensaren i "glittertråd" er også blitt ferdig.

DUKKEGENSER

2009-02-21T17:33:00.003+01:00

Har sydd ein rosa dukkegenser.....................

................................med knapping bak.

Skulle igrunn være borrelås i åpningen bak. I mangel på dette, laga eg knapphull og sydde i knappar, for å bli ferdig. Vart litt rart!! Ser meir ut som ei jakke, med utringinga på feil side......

Brødbaking og strikketøy

2009-02-18T11:53:00.005+01:00

Må no vise fram at eg gjer litt nytte for meg, sjølv om eg går sjukmeld med gipsa fot. Manøvrerande rundt på kjøkkenet på ein kontorstol, fekk eg på mandag baka heile 9 brød. Får tru det held eit par veker..........
Ellers har eg fått mange koselege helsingar både i bloggen og på mail. Tusen takk for det! Mallemor tipsa meg om at no kunne eg hive meg på strikkebølgen som florerer. Det har eg gjort. Har faktisk strikka sokkar til meg sjølv! Trur det er tredje sokkeparet eg har strikka i heile mitt liv, så det vart ein del forsøk (oppattrekkingar), før hælen vart slik den skulle...........

No idag har eg starta på nytt strikketøy. Skal strikke ein dukkegensar som skal bli gevinst på Husflidslaget sin basar til hausten. Garnet eg strikkar med, kjøpte eg i Praha hausten 2007. Det er eit tynt akrylgarn med glittertrådar i gull og turkis. Lekkert.......

Gipsa fot...

2009-02-12T17:43:00.004+01:00

Slik er stoda no.............. Tjukk,tung, gammaldags gips opp til kne på venstre fot. Kom heim frå sjukehuset igår. Operasjonen gjekk fint, men har ein del smerter foreløpig. Så idag har eg opphelde meg framfor TV-en med datamaskina i fanget.
Litt utpå dagen igår, fekk eg besøk av ei som jobbar i butikken med meg. Ho hadde med seg denne kjempeflotte korga, fylt til randen av frukt og godsaker. Tusen takk!!!

Har gjort litt handarbeid i det siste...

2009-01-25T15:18:00.003+01:00

Den siste månaden har vore svært travel, med varetelling, årsoppgjer, ferdigstilling av hytte og delvis sjukmelding. Fredag var eg på Lillestrøm på Gave- og interiørmesse i samband med jobben. No er eg nokså ajour, har ikkje noko spesielt på tapeten før den 10. februar, då skal eg ta ein operasjon som fører til nokre månader sjukmelding. Så denne helga har eg rett og slett vore heime og kosa meg med handarbeid.Er begynt å strikke eit skjerf som skal være bursdagsgave . Tjukk tråd og pinner nr 8, så det går raskt å strikke.
Er ferdig med stitcheriet av brødkorga som vi fekk på eit medlemsmøte i vår. Som de ser, skal dette bli eit bakeklede, som eg tenkte å ha sjølv.

Ellers har eg fått "limt" sengeteppet, og driv og tråklar det. Sidan eg har lite erfaring med å quilte slike store tepper, og dette er planen skal quiltast ganske masse, så har eg valgt å tråkle det godt. Tråkling er eit tidkrevande og kjedeleg arbeid, men håper at eg har igjen for det.

GOD JUL

2008-12-23T14:24:00.004+01:00

Ønskjer alle venner og bekjente ei riktig GOD JUL

Det raude soverommet

2008-12-21T22:07:00.004+01:00

Tenkte eg skulle vise nokre bilete ifrå soverommet mitt, som vi pussa opp for snart to år sidan. Er kjempefornøgd med tapetane vi valgte, ein gråbeige med litt blankt strukturmønster på tre veggar, og ein offwhite med mønster i gråbeige på ein vegg.Kan vel ikkje kalle det julepynta soverom, men eg har iallefall nokre raude detaljer hengande der.
Veska og støvlettane kjøpte eg i Praha i fjor haust.

Årstidsteppene sydde eg på eit helgakurs med Lillian Nygård i Svelgen for ein del år sidan. Dette er mitt sommarbilete, med innslag av rosa/lilla/gult og lime.

Sidan jula nærmar seg med stormskritt, tok eg på dei knallraude satengsengekleda.

Bordpynt julebord

2008-12-21T21:58:00.005+01:00

Laurdag 13. desember arrangerte eg julebord for dei ansatte i Ytrehus Sag AS.

Slik vart bordpynten denne gangen.

Lefsebaking

2008-12-04T21:23:00.005+01:00

Idag har eg og ei venninne baka lefser til jul. Det er første gangen eg prøver meg på lefsebaking på eiga hand. Har vore med å kjevla eit par gonger tidlegare, og sett på korleis mamma har gjort det. I og med at eg har ei mor som baker lefser for salg, har ikkje behovet vore tilstades for at eg skulle bake sjølv. Fann imidlertid ut at det hadde no vore kjekt å kunne det, for ëg kan jo ikkje basere meg på ho mor for alltid.
Ein ting er iallefall sikkert, dette blir gjort igjen til neste jul. Det gjekk jo rett og slett strålande. Vi hadde det kjempekjekt, lefsene vart stort sett runde og fine, og ikkje minst så vart dei gode.....

ER KJEMPEFORNØGD MED MEG SJØLV !!!

TESTING AV JULEBORDSMENY

2008-12-04T21:11:00.002+01:00

Laurdag 13. desember skal eg arrangere "julebord" for dei ansatte i Ytrehus Sag AS med følge. Søndag testa eg den treretters menyen eg har planer om å servere. Forrett: Rekesalsa
Hovudrett: Bacalao

Dessert: Tilslørte julekaker

Alle rettane var veldig gode, men det vart for mektig med "Tilslørte julekaker" til slutt, så det blir nok litt endring i menyen.

Kanelstenger

2008-12-03T00:08:00.002+01:00

Har fått nokre mailar med spørsmål om oppskrifta på kanelstengene. Her kjem den, enkel og rask å lage, og nydelig god...

200 gr margarin
200 gr brunt sukker
1 eggeplomme
1 ss lys sirup
1 ts kanel
1 ts vaniljesukker
1 ts natron
300 gr kveitemjøl

eggekviter til pensling
perlesukker
hakka mandler

Rør margarin og sukker skummende. Tilsett de øvrige ingrediensene og rør deigen sammen. Del deigen i 6 emner som trilles til pølser som legges på plate og trykkes flate. Lengdene pensles med eggekviter, og drysses med perlesukker og hakka mandler. Steikast på midterste rille ved 175 grader i 14 minutt.

Skjær lengdene på skrå mens de er varme. Velbekomne....

JULEBAKST

2008-11-25T22:00:00.004+01:00

Er i full gang med årets julebakst. Sidan det er i adventstida småkakene smakar best, tenkte eg å gjere baksten unna denne veka. I går ettermiddag vart det tre sortar: peppernøtter, kanelstenger og sandkaker. Deig til kransekakestenger står i kjøleskapet. No skal eg på kjøkkenet og lage deig til sirupsnippar. Så då kan eg kose meg med litt baking imåra også....

STITCHERY

2008-11-23T10:57:00.007+01:00

På mai-møtet i Nordfjord lappe- og quilteklubb hadde vi stitchery som tema. Alle som ville delta, fekk kjøpe ein materialpakke til denne "brødkorga". Eg begynte så vidt, og så vart det pakka vekk når eg kom heim (slik det stort sett alltid blir.....) Hadde ei lita opprydning i skuffa med påbegynte/planlagde prosjekt igår ettermiddag, og der dukka "brødkorga" fram. Huskar vi fekk utlevert blå tråd nok til heile stitcheryet, men den var borte vekk. Leita fram lysebrun tråd til brøda, og sette igang. Var koseleg arbeid å sitje med foran Tv-en ein laurdagskveld.
Er motivert for å fullføre det, no når eg først har teke det fram. Det kan jo bli ei fin brikke til serveringsbrettet eller brødkorga. Berre sjå kor flotte Halldis og Juliann sine blei.

ADVENTSTID

2008-11-19T22:19:00.008+01:00

Ja,ja, så gjekk planen min om å være flinkare å oppdatere bloggen til hausten, rett i vasken. Forrige innlegg var datert 5. oktober, nesten 7 veker sidan, verre enn nokon gong. Her må det omprioriteringer til, i ein travel kvardag...., om bloggen skal prioriterast.
Har fått sydd ein del i det siste. Toppen til dette teppet, er no ferdig samansydd. Legg ut bilete når eg har fått quilta det. Kvir meg til den jobben, har ikkje trening i å quilte store tepper........

Idag har eg vaska stova, og då meiner eg verkeleg vaska. Tak, vegger, møbler, duker, tepper. No luktar det reint og godt. Sidan det ikkje er så veldig lenge til advent, tok eg likeså godt fram både lilla puter, duker og lys. Så no sit eg her i godstolen med tente lys, og nyt lukta av såpe....

ØNSKJER ALLE EI RIKTIG FIN ADVENTSTID !!!!

Meir sjablongmaling på hytta

2008-10-05T17:42:00.002+02:00

Har vore på hytta i dag, og dekorert enda meir. Denne gongen vart det eit valmuemotiv på eine stoveveggen. Veggen er mala i fargen Skandinavisk lys, valmuene i Kontinental, og stilkane i Metropol. Sjablongen har eg kjøpt ifrå Panduro Hobby (også den i forrige innlegget). No trur eg det er på tide at snekkarane kjem og gjer ferdig hytta, så eg får roa meg litt. Finn stadig på nye prosjekt, i påvente av at eg kan begynne å innreie.

Motorsykkelsertifikat

2008-09-28T21:39:00.004+02:00

Sønnen min på 16 år tok sertifikat på lett motorsykkel onsdag 24. september.

Lykke til, og køyr forsiktig !!!!

Soveromsdekor på hytta

2008-09-28T21:30:00.003+02:00

Idag har eg dekorert fondveggen på soverommet mitt (og min mann´s) på hytta. Fargane vart litt feil i blitzlampa. Fondveggen er egentleg brun (fargen heiter gren), og dei andre veggane + dekoren kremfarga (fargen heiter claro). Vart ganske så fornøgd med resultatet......

Ei super helg............

2008-09-21T19:15:00.003+02:00

Denne helga har vore heilt super. Avspaserte fredag, og hadde fri laurdag. Har fått beisa taklistene til hytta to strøk, slappa av, rydda og styra litt i huset, og sist men ikkje minst, sydd litt. Det går sakte men sikkert framover med sengeteppet. Trur eg kjem til å bli fornøgd med dette, når det ein gong vert ferdig..... Har også fått jobba ein del med veggteppet eg begynte på i fjor haust, som skulle være gevinst til Husflidslaget sin basar i november. Sjå oppstarten på veggteppet her. No skal Husflidslaget ha ny basar den 15. november, så eg tok meg saman og begynte på igjen. Har fått sydd saman heile teppet, og er begynt å sy på ansikt.
Nærbilete av ein av englane. Mangler hår og glorie ennå. Tenkte å quilte teppet med bølger i gulltråd om eg får det til. Symaskina mi likar ikkje metalltråd, men eg satsar på at det går greitt med så korte saumar.
Ellers har eg strikke ein del Ronilleklutar iløpet av sommaren. OK å ha i hendene når ein benker seg foran TV-en, og så er dei så utruleg gode å tørke med. Trur det skal bli nokre slike i julegåver iår til dei som har alt frå før............

Barndomsheimen til farmor

2008-09-10T21:20:00.002+02:00

Garden til venstre i biletet heiter Inigard på Myklebust i Oldedalen. Der voks mi farmor opp isaman med 4 andre søsken. Den eine broren døydde ung, medan dei tre andre søskena (ein bror og to søstre) dreiv gardsbruket i Oldedalen med melkeproduksjon, geiter og hestar. Far min overtok garden i 1972, så mine barndoms somrar bestod av slåttonner, først i Ervik (der eg voks opp), så i Oldedalen, og så på han igjen med hoslåtten. Men det gjorde meg ingenting, for eg stortreivst der inne saman med "gamletantene" som framleis levde.
Dette huset voks mi farmor opp i. Huset var i dagleg bruk fram til 1969 utan innlagt vatn. Her er det stove, kjøkken og hems. Dei var ikkje kravstore den gongen.
Stova i dette huset er ifrå 1824. Så er den blitt påbygd med soverom i fleire omganger etterkvart som behova endra seg. Tilslutt vart det eit heilt hus av alle påbyggingane. Dette huset vart brukt til kårstove for mine oldeforeldre. Når vi var i Oldedalen for å slå om somrane, budde vi i dette huset. Vi låg faktisk på halmmadrasser i gamle antikke senger (og det på 70-tallet). Eg har mange gode minner ifrå denne plassen...................................
Dessverre vart vi nøydde å selge gardsbruket for 2 år sidan. Min far makta ikkje lenger å vedlikehalde alle bygningane, og syte for at jorda vart stelt. Eg hadde odel på gardsbruket, men etter mange våkne netter, valgte eg å skrive frå meg denne retten, då det var urealistisk å flytte dit for å overta (bu-og driveplikt + mange gamle bygg å vedlikehalde).

Før dei nye eigarane overtok garden, var eg innover med lastebil og sikra meg nokre gamle møbler. Blandt anna denne kommoden. Ganske så oppeten av mått, men nydelig.
Denne gamle sjeselongen fekk eg også sikra meg. Desse to møblane + fleire, har eg levert til ein møbelsnikkar her i Svelgen, som driv med restaurering. Sjeselongen skal han skifte fjørene i, og trekke opp igjen. Var nedom og såg på framdrifta i går, og det viser seg at under trekket er det eit nydelig treverk, brunbeisa med utskjeringar. Truleg er ikkje trekket på biletet det originale. No er det store spørsmålet, kva slags stoff skal eg velge? Gobelin, velur, ensfarga ????? Nokon som har tips å komme med? Det er forresten bror til bestemor (han som døde ung), som har laga desse møblane, og det gjer det jo ekstra kjekt at dei no er mine.

Marengskake med blåbær.........

2008-09-10T21:12:00.002+02:00

Endeleg fekk eg lagt ut bilete av kaka eg laga til min sønn sin 16-års dag. Kaka falt i smak både blandt store og små, så kakefatet var tomt når gjestane drog heim om kvelden.

LITT NYTT.........

2008-08-25T21:08:00.002+02:00

Titt, tei, her er eg, for alle som lurer på kor eg blir av........................ Forrige helg, hadde vi det heilt fantastisk på Vianvang. God mat, god drikke, gode venner og godt vær. Rett og slett ei perfekt helg!! Fotoapparatet låg att heime, så har dessverre ikkje bilete å dele med dokke.

Denne helga har vi feira sonen sin 16-årsdag. Han hadde bursdag på fredag, men då var mor på Lillestrøm på gave- og interiørmesse, så vi feira med kaffi og kaker igår. Sidan det er blåbærsesong for fullt i Ålfotdalen, tok eg ein formiddagstur dit, så eg fekk ferske blåbær til pynt på marengskaka. Her skulle då ligge bilete av kaka, men no fekk eg problem med opplastinga, så det får være ein annan dag.....................

TRAVEL SOMMER HITTIL........

2008-07-28T09:52:00.002+02:00

At eg er lite flink til å oppdatere bloggen, har vel dei fleste skjønt! Men denne gangen vart det riktig ille. Grunnen kan dokke lese om HER. Det var min sjef, firmaets sjåfør og daglige leder, som var den uheldige. Dei lettare skadene, viste seg å være svært omfattande og tildels alvorlige. Lastebilen med krane vart kondemnert. Så akkurat no er vi utan bil, sjåfør og daglig leder i vårt lille firma med 4,5 årsverk. Ulykka skjedde onsdagen i veka før eg skulle starte på ferie. Så dei to vekene eg skulle ha ferie, vart i år redusert til ei (og den eine veka måtte eg være tilgjengeleg på telefon heile dagen pga uerfaren vikar i butikken).

Ja,ja... Slikt kan ein jo ikkje forutsjå. Det gjekk bra med mannen, og det er iallefall godt. Han kjem vel sterkt tilbake håper eg............ Dei tilmålte feriedagane, vart tilbrakt på hytta med sliping, sparkling, grunning, sliping, sparkling, grunning, sliping, sparkling.......... Mykje arbeid, men veldig kjekt å kome igang. Vi fekk også gjort ein del på uteområdet. Planta hekk, og sådde ei skråning ++++. Her bidrog mi mor sterkt med både fagkompetanse og fysisk styrke.

Som dokke skjønner, har det vore hektiske veker i det siste. Akkurat no prøver ei av dei andre ansatte å avvikle 3 veker ferie, så eg styrer butikken åleine. Det går greit det, men når arbeidsdagen er omme, så orker eg liksom ikkje meir......... Skal prøve å komme sterkare tilbake utpå hausten.

Har forresten noko å sjå fram til i all denne jobbinga. Fredag 15. august, reiser mannen min og eg på helgatur HIT, saman med fire andre par. Det gler vi oss veldig til..............

FORTSATT GOD SOMMER, TIL ALLE SOM KIKKER INNOM !!!!!

OPPDATERING PÅ SENGETEPPET

2008-06-22T21:32:00.005+02:00

Har sydd litt på sengeteppet den siste veka. Er omtrent ferdig med ein tredjedel av trekantblokkene. Det går sakte, men sikkert framover.
Midtblokkene til stjernene er eg klar med. Totalt 24 stk 16-patch-blokker. Desse skal då få trekantblokker og lyse kvadrat rundt seg, så dei blir utsjåande som ei slags stjerne. Mønster til teppet kan dokke sjå i tidlegare innlegg.

BURSDAGSGAVE

2008-06-22T21:24:00.009+02:00

No er det 2 veker sidan eg hadde bursdag. Av min mann fekk eg eit kort i bursdagsgave, der det stod at eg skulle få ein quiltelinjal og nokre stoffbitar i bursdagsgave.

Var i Florø ein tur i går, og der vart stoffa innkjøpte på min manns rekning............ Herlig.........

Har ingen spesifikke planar, tykte berre dei var lekre saman. Kanskje nokre nye sofaputer på tv-stua??

FISKETUR I MAGNHILDSKARET

2008-06-22T21:15:00.004+02:00

Idag benytta vi opphaldsveret, og tok oss ein fjelltur opp til nokre fiskevatn i Magnhildskaret. Her er vi på veg oppover berget ifrå tunnellen.
Wilma låg fint og kosa seg i lyngen, medan vi fiska. Ho følgde nøye med om fisken beit.
Og ja........fisken beit faktisk ganske villig.
Iløpet av den første halvtimen fekk vi desse to flotte fiskane. Det vart 7 fisker totalt.

HYTTEOPPDATERING

2008-06-08T20:58:00.002+02:00

Endelig var snekkarane på plass igjen, og har fått montert dei siste vindua i stova. Vi vart veldig fornøgde! Torvtaket er begynt å gro, om enn litt ujamnt ennå. Regnet som er meldt denne veka vil nok komme godt med.Utsikta ifrå stoveglasa blir flott. Var litt overskya i havgapet denne dagen, men i klarver er det betre. Ser no at furua framme på kanten, må ofrast. Den står jo midt i "glaninga".

ENDELEG OPPDATERING!!!!!

2008-05-18T21:38:00.004+02:00

Her kjem endeleg ei oppdatering ifrå Svelgen. Har vore travle veker i det siste, med mykje besøk i samband med dei to siste helgane. Har hatt besøk av ei venninne med mann og to barn, foreldrene mine, svigerinne med mann, og svoger med kone. I tillegg til dette har vi vore i ein 60-års dag og ein konfirmasjon. Dette har ført til lite sying, men det er jo ikkje noko nytt! Innimellom alle gjestane har eg fått skjært opp alle remsene og kvadrata til sengeteppet som eg skal sy. Mønsteret viser i eit tidlegare innlegg. Er iallefall i gang!!
Ellers har eg fått vaska og rydda uteplassen under verandaen. Der er kjempfint å sitje på dagar som er litt "ruskete", då vi har tak over hodet, terrasevarmer og rikeleg med lys. Hagemøblane mala eg i fjor sommar i antikkhvit. Vart veldig fornøgd med dei.
Oppussing er etterkvart blitt ein av hobbyane mine. Ifølge min mann er eg meir oppteken av oppussing enn quilting. Hmmmm, betenkeleg...... Vi bur i eit burettslag, og der vart alle ytterdørene skifta tidleg denne månaden. Det førte selvfølgelig til at eg berre "måtte" skifte tapet på veggane og male om + skifte det lyse gulvbelegget som hadde irritert meg lenge. Taket vart også malt eit strøk for å få det kvitare, og alt listverket vart skifta ut med ferdigmalt kvitt. Har brukt glassfiberstrie som er heilt slett på veggane for å armere. Synest det vart kjempefint.
Driv også og pusser opp nokre gamle møbler som eg skal bruke til utemøbler på hytta. Her er utgangspunktet (etter at eg hadde fjerna gammal olje/lakk med malingsfjernar).
Og her er resultatet så langt. Har lagt på to strøk med farge etter grunninga, men skal ha eit tredje strøk sidan møblane skal stå ute, slik at det er litt maling å slite på. På biletet ser fargen lyseblå ut, men den er egentleg lys turkis.

KJØTTKAKER

2008-04-28T22:27:00.003+02:00

Idag har eg vore kjempeflink, og hatt meg ei skikkeleg økt på kjøkkenet etter at eg kom heim frå jobb. Har malt hjorte- og sauekjøtt, og laga kjøttkaker. Det vart tilsaman 190 kjøttkaker. For vår lille famile på 3 personer, så er det 21 middager.
No ligg eg rett ut på sofaen og tek meg igjen. Er godt fornøgd med dagens arbeidsinnsats.

Hadde tenkt å rekke å sy litt også i kveld, men det vart som vanleg med tanken. Er så vidt begynt på sengeteppet vist i eit tidlegare innlegg. Skal vise bilete når eg kjem litt lenger i prosjektet. Forløpig er det berre stripesett å vise.

FERIE OG SKITUR

2008-04-15T17:12:00.003+02:00

Denne veka har vi ferie her i heimen!!! Ei ypperleg tid å ha ferie på for min del, før utesesongen i butikken startar for fullt. 10.klasse ved Svelgen skule er i Polen på klassetur, men min sønn ville ikkje være med, så han har skulefri. Sidan det var fine værmeldinger heile veka, bestemte vi oss for å ta ei veke ferie alle "mann". Så idag har vi då vore på skitur til Klauevatnet i Magnhildskaret. Det var blå himmel og sol, men litt kald vind. Ein nydeleg dag!!! Wilma var også selvfølgelig med. Ho elsker å springe etter oss når vi renn på ski, prøver å fange stavane våre. Heilt utruleg kva energi den hunden har. Eg kavar meg oppetter bakkane så godt eg kan, medan Wilma spring gjerne opp og ned bakken 3 gangar på samme tida. Den som hadde vore så sprek!!
HMMMMM............... To innlegg på bloggen på ein dag???? Trur jammen litt ferie gjer underverk!!!!!

LEGGING AV TORVTAK

2008-04-15T10:47:00.009+02:00

Her er bilen med 18 paller (432 sekker) med torvtak på plass på hytta. Vi var tidleg oppe, og tok ferje ifrå Kjelkenes kl 645, då sjåføren (ein innleigd kompis) hadde mykje anna han også skulle rekke iløpet av laurdagen. Dessuten meinte sjåføren det var godt å kome seg tidleg opp?? Kraning pågår. Legginga av torvsekkane gjekk unna i ei fæla fart. Vi var to personer på taket og la sekkane utover etterkvart som sjåføren krana pallane opp på taket. Han manøvrerte dei fint bort til der vi stod, så vi slapp unna med lite bæring.
Tre timer etter oppstart (dvs kl 1100), var torvtaket ferdig lagt. Her gjenstår det berre å strø utover eit tynt torvlag for å jamne groper og bulker. Så no er det viktig å få litt regn, eller så må vi pønske ut ei ordning for å få vatna taket. Blir spennande å sjå kor tid det spirer!!

TID TIL OVERS ...........

2008-03-21T11:59:00.008+01:00

Idag var vi tidleg oppe, for vi hadde tenkt oss på Harpefossen og gå på ski, for deretter å dra på kaffibesøk hos mine foreldre. Men, slik gjekk det ikkje! Midt under frokosten ringde telefonen. To hjortar var blitt påkøyrde i dag tidleg eit stykke herifrå. Så hjorteekvipasjen her i huset (mann og hund), pakka sakene i ein fart, og drog avgårde. Får håpe dei kjem heim om ikkje så altfor lenge, slik at vi iallefall rekk kaffibesøket!

.......................Så no sit eg her då, og surfer på nettet, sidan eg fekk tid til overs!!...............

Har fått gjort ferdig løparen min. Vart veldig fornøgd med både fargane og mønsteret!

Har planlagt eit nytt prosjekt. Det skal bli eit sengeteppe til ei enkeltseng. Kvadrata skal skjærast 5*5cm, så det blir nok ein del arbeid på det. Får sjå kor tid eg begynner. Stoffa er iallefall klare, når arbeidslysta dukkar opp.

GOD PÅSKE !

2008-03-16T14:22:00.007+01:00

Ønskjer alle som kikker innom bloggen, ei riktig god påske. Eg skal jobbe mandag, tysdag, onsdag og laurdag, men helgedagane har eg fri. Skal bli herlig med nokre fridagar. Håper sola tittar fram, såg eg får spenne på meg skia ein liten tur. Idag slappar eg av med strikketøy. Det går sakte men sikkert framover på sjalet mitt.

Gryteklut laga til påska i 1998. Meget pent brukt!

Eg syr................

2008-02-21T21:37:00.007+01:00

I helga som var, begynte eg på denne løparen. Tok utgangspunkt i eit petrolblått silkestoff som eg kjøpte hos Primula sist det var møte i lappeklubben. Eg berre "måtte" ha det, då det var eit stoff frå det fargespekteret eg likar aller best. Veldig kjekt å sy, når ein kan boltre seg i slike flotte fargar. Må innrømme at eg har tenkt på hytta når desse fargane vart tekne ut!!!
Fekk for lite brun lin til kantane, så må nok kjøpe ein løpar til i butikken imåra, og skjære sund. Når ein ikkje har stoffbutikk i nærleiken, får ein bruke det ein får tak i. Så i dette tilfellet vart det då to brune linløparar til kant.

Tenkte eg skulle quilte løparen med ein fleirfarga turkis/blå/petrol tråd. Trur det kan gjere seg, spesielt på den brune ramma, for å mjuke ho litt opp. Skal prøve å ta meg hardt saman, og gjere løparen heilt ferdig!!!
Legg ut eit bilete til, for å vise heile. Den blir ca. 45*140 cm ferdig. Stor og god til spisebordet.

Jotun Fagskule

2008-02-08T21:29:00.001+01:00

For dei som lurer på kva eg har styrt med i det siste, så har eg vore to veker på jobbkurs i Sandefjord. Kom heim forrige helg. Denne veka har det stort sett vore jobbing, både på dagtid og kveldstid. Papirhaugen på kontoret var uhyggeleg høg etter desse to vekene. Merkeleg at ingen andre har teke den jobben!! Var både fakturering, bestillinger, vareregistrering, månedsavslutning og priskontroll å ta igjen. SUKK!!! No er eg lei av å jobbe, eg vil sy!!! Må berre bli ferdig med prosjektet Jotun Fagskule først.
Det vart ein tjukk perm å dra på heim ifrå Sandefjord. Omtrent 500 sider med trykk på begge sider. Utruleg kva som er å lære om malingsfaget!! Og ennå er eg langt ifrå utlært!!!!!!Mykje teori å gå igjennom på kort tid, så no set eg og finles, og jobber med alle oppgåvene vi ikkje rakk å gå igjennom på kurset. Tilslutt skal eg då besvare to eksamensoppgaver (med totalt 250 spørsmål), der eg må ha minimum 90% riktig for å få bestått, og motta kursbevis. Iløpet av kommande veke må eg være ferdig med besvarelsen, så syinga må nok vente ennå ei stund dessverre.!!
Håper og trur at eg kjem sterkt tilbake med spennande syprosjekt.

Søndagsarbeid

2008-01-13T21:36:00.000+01:00

Idag har eg beisa panel til taka i hytta mi. Fekk beisa 23 m2 forrige helg, og 15 m2 denne helga, så det går framover. Skal ha ca 100 m2 tilsaman, så dette kjem til å ta tid. Eg brukar ein kvit panellakk som er tilsett ekstra kvitt, etter eiga resept. To strøk må til for å oppnå kvitast mogleg resultat, og for å motvirke gulning. Resultatet blir veldig bra. Eg er iallefall fornøgd, og det er no tross alt det viktigaste!!! Når eg kom heim ifrå beiseprosjektet, fekk eg nokre timar på syrommet. Vart som vanleg sittande og studere alle dei flotte bloggane rundt omkring, før eg tok meg hardt saman og byrja på to bilete som eg har tenkt lenge at eg ville sy. Dette er eit AnnaKa-mønster ifrå 2005. Rakk ikkje meir enn å klippe ut delane og stryke dei fast idag. Får sjå om energien vedvarer imorgon etter arbeidstid, så eg får begynne å sy applikasjonane. Skal til Sandefjord på kurs i to veker (reiser neste søndag), så hadde vore greitt å ha med nokre lukkekanter å sy. No ikveld har eg laga heimelaga pizza. Mann, barn og hund har vore i Ålfotdalen på ski. Det vart glede i heimen når mor hadde laga middag (sidan mannen i huset sluttar på jobb kl 15 og eg kl 1630, er middagslaging far si oppgåve). Prøver å ta igjen dette i helgane, ved å lage litt "skikkelig" heimelaga middager. Pizzaen smakte fortreffelig!

Strikking

2008-01-13T21:13:00.000+01:00

Har vore utan symaskin sidan tre veker før jul, så den siste tida har eg strikka litt. Er ikkje så veldig glad i å strikke pga problem med nakken, men litt no og då går an. Problemet er at eg startar på nye ting, utan å fullføre det eg held på med. Så medan symaskina har vore på reparasjon har eg begynt på tre ulike strikketøy. Jammen bra at symaskina no er komen tilbake til heimen sin.Driv blandt anna og strikkar tøfler til ei eg er tante til, som snart har bursdag. Mønsteret blir kalla for Bosniatøfler, har fått låne det av ei venninne. Skal visst være eit liknande mønster i siste mønsterheftet i frå Sandnes-garn, var det nokon som fortalde meg. Desse tøflene er veldig kjekke å strikke. Eg strikkar av enkel sisu i dette paret. Skal strikke eit par til meg sjølv også, men då skal eg bruke dobbel sisu og pinnar nr 4. Har også begynt på eit trekantsjal til meg sjølv, i brun og beige alpakkatråd. Brukar pinnar nr 3, så det blir tynt og mjukt. Trur dette vil bli mykje brukt til den mørkebrune jakka mi (om det blir ferdig ein gong).Dette skal bli grytekluter. Dei skal strikkast så lange at ein kan brette dei dobbelt. Så skal det heklast ein kant rundt til slutt. Dei blir veldig tjukke og gode. Fant oppskrifta på ein blogg, men huskar desverre ikkje i farta kva for ein.

Julafta

2007-12-24T15:59:00.000+01:00

Gleda var stor når eg leita fram juletrepynten i går kveld, og fann dette juletreteppet. Begynte på det til jula 2005, og gjorde det ferdig til jula 2006. Er veldig fornøgd med det, sjølv om eg i utgangspunktet var skeptisk til svart bunn. Har i alle år hatt juletreteppe i strie med filtfigurer på, men no er den "tradisjonen" slutt her i huset.

Dette nisseparet laga eg på eit kurs for mange år sidan. Synast dei er litt knubbete i fjeset, vart aldri heilt fornøgd med dei. Men, det er ikkje jul utan at dei kjem fram i dagens lys. Skjortene dei har på seg er arva babyskjorter. Den som nissemannen har på seg, har både eg og bror min brukt. Mor mi sydde den då ho gjekk på husmorskulen, tidleg på 60-tallet. Skjorta til nissemor har eg arva etter eine søstra til farmor. Ho laga den då ho gjekk på folkeskule omkring 1920. Med dette biletet av Wilma i nissehue, med juletreet i bakgrunnen, ønskjer eg alle som kikker innom bloggen iløpet av julehelga, ei riktig GOD JUL !!

Julebord

2007-12-15T18:59:00.000+01:00

Sist laurdag arrangerte eg julebord for dei ansatte på jobb. Vi var ein passeleg gjeng på 8 personer. Sidan det er advent, valgte eg å dekke bordet i lilla og kvitt. Kvite julestjerner er min favorittblomst til jul.Eg hadde laga koldtbord med laks, spekemat og diverse salatar, men det vart så dårleg lys på biletet at det var ikkje noko å vise fram. Men, eg kan no vise bilete av kakene vi kosa oss med.

Den øverste kaka er ei Tia-Maria kake. Den består av svissrull med sjokoladekrem, fylt med fromasje smaksatt av kaffi og Tia-Maria likør. Nederst er ei kake som vi kaller Nøttedrøm. Denne består av saftig og seig nøttebunn, fylt med krem, og pynta med eit tjukt lag med sjokoladekrem. Mmmmmmm...... Nydelig...........

Forsatt god advent til alle som kikker innom!

Hytte

2007-11-25T23:05:00.001+01:00

Har vore på hytta på synfaring idag. Der var det store endringar sidan sist. Dører og vindu var montert, taket var tett, og dei var komne langt med bordkledninga. Vi er veldig fornøgde så langt. Gledar meg vanvittig til vi skal begynne å innreie utpå nyåret ein gong. I spissen (der det no er kledd med plater) skal det også komme vindu. Desse måtte bestillast etter mål (etter at veggen vart bygd), så dei må vi vente litt på. Det beste med å være på hytta idag, var at sola??????? kikka fram ein halvtimes tid. Sjekk den blå himmelen!!!!!!

Toalettveske og DJ

2007-11-25T22:58:00.001+01:00

Etter å ha sydd eit stort dongeriteppe i fjor vår, fekk eg mange småbitar til overs. Desse har eg brukt til ei lita toalettveske sydd i crazy-teknikk. Brukte beltestroppene til hemper i endane av glidelåsen. Vart veldig fornøgd med resultatet!!! Dette skal bli julegave til ein av tanteungane mine, så no er eg også endeleg i gang med julesjauen.Har sydd mi tredje DJ-blokk til lappeklubben sitt fellesprosjekt. Denne har eg sydd med hand over papirmaler. Har eitt mønster til liggande og vente på meg, så det er berre å henge i.

PRAHA

2007-11-04T17:02:00.000+01:00

Vel heime etter ferietur til Praha. Har hatt fire supre dager i ein vakker by. Masse fint å sjå, billig og god mat, høflege og hjelpsame mennesker, sol og fint, mange flotte bygninger. Er full av gode minner, og er allereie begynt å planlegge neste veninnetur om to år!!

Portalen ved starten av Karlsbrua + ei av 30 statuer på Karlsbrua.

St.Vitus katedralen hadde nokre utrulege utsmykkingar både ute og inne.

Utruleg gode kaker!! + Det astronomiske uret i Gamlebyen.

DEN STORE BLAD-DAGEN.......

2007-10-22T22:08:00.000+02:00

Når eg kom heim ifrå hyttetomta idag, låg det tre blad og venta på meg i posten. Quiltemagasinet, Norsk Husflid, og BoligPluss. Dagen idag må seiast å være perfekt!!!! Hytta er påbegynt, og no skal eg setje meg i sofakroken og kose meg med dagens post.

Quiltebag

2007-10-22T21:54:00.000+02:00

Det går framover med quiltebagen. Hadde kurs denne helga, men sidan eg måtte på jobb laurdagen, vart eg ikkje ferdig. Har igjen å sy fôret, som det skal være masse lommer på.

ENDELEG OPPSTART...........

2007-10-22T21:45:00.000+02:00

Etter mykje venting, att og fram, om og men, er vi no igang med hytta. Snekkarane starta idag, og er allereie klare med endeveggane. Blir veldig spennande å reise ut igjen til helga, for å sjå framgangen.

Engleteppe, DJ og litt til...............

2007-10-14T15:18:00.000+02:00

Jammen går tida fort. Så alt for fort! Ser at eg ikkje har oppdatert bloggen på nokre veker. Har hatt ei travel periode med mykje overtidsjobbing, 50 års-selskap, og gravferd til mi kjære Mor-mor. Ho døde den 2.oktober 95 år gamal (ei utruleg kvikk og kjekk dame. Oppdatert på kva som skjedde i den politiske verden til siste stund.) Denne helga har vi hatt overnattingsgjester, og det var veldig kjekt.

No tenkte eg at eg skulle få meg eit par timar for meg sjølv her på syrommet, før eg skal lage middag. Vi bruker å ha sein middag på søndagane. Har kopiert nokre lydbøker inn på PC-en, så eg kan "lese" samtidig som eg syr. Akkurat no høyrer eg på Brudd av Karin Fossum, og syr på eit engleteppe som skal være gevinst på basaren til Svelgen og omegn Husflidslag.

Ellers har eg fått sydd to DJ-blokker til fellesarbeidet til Nordfjord Lappe-og Quilteklubb. Den eine måtte eg sy omatt, då den første eg laga hadde veldig knappe saumrom. Godt å være ferdig med det ein har lovd. Reiknar med eg får tildelt ei ny blokk på neste møte.

Eg er også blitt TAGGA

2007-09-27T22:15:00.000+02:00

Eg er blitt tagga av Tiril-sol og Strikkemor(o). Det var kjempekoseleg. Tusen takk for at dokke tenkte på meg, eg tek utfordringa om å skrive sju punkt om meg sjølv på strak arm. Reglane seier at eg også skal utfordre 7 andre bloggarar. Dette let eg være, då eg trur at dei fleste bloggarane eg besøkjer på nettet, allereie er blitt tagga.

Her kjem dei sju punkt om meg sjølv:

Liker veldig godt å pusse opp. Maling er kjempegøy. Men har ein mann som bremsar meg, og seier når nok er nok.
Er veldig tolmodig og arbeidsam i jobbsamanheng. Ikkje fullt så tolmodig på heimefronten.
Har bestilt ferietur til Praha 30. oktober saman med ei dame eg knapt kjenner.
Er utdanna som pedagogisk barnepleier, men jobbar no i ein butikk som fører maling, jernvare og interiørartikler. (Har tidlegare jobba 10 år i barnehage, både som assistent, avdelingsleiar og vikar for styrar)
Har alltid minst 10 UFO-ar liggande. Litt strikk, litt broderi og masse lappeteknikk/applikasjon.
Er aktiv i organisasjonssamanheng. Har ei rekke styreverv i ulike lag og organisasjonar.
At eg er veldig pirkete er vel noko dei fleste veit. At det til tider er eit problem for både meg og andre er vel heller ukjent. Det andre gjer er alltid flott, men mine arbeid er eg dessverre aldri heilt fornøgd med.

Skulle berre male........

2007-09-26T22:09:00.000+02:00

ein vegg. Har tenkt lenge at denne veggen skulle malast i samme farge som resten av spisekroken. I helga heiv eg meg rundt og begynte. Kvistlakka, grunna, sparkla og malte. Ikkje akkurat den "hottaste" fargen akkurat no, men det var denne eg ville ha. Når veggen vart mala, så trengde også gullrammene litt fornying. Mørkebrun quicklakk gjorde susen. Lystrauet var tidlegare grønt, no vart det brunbeisa, med svart resultat. Tykte det vart riktig koseleg eg! No sit eg her og ser meg rundt etter nye oppussingsprosjekt. Skal tru om ikkje telefonbenken skal bli svartmala??? Trur kanskje det hadde vore stilig. Først skal eg no beise kledninga til hytta. Imorgon har eg fri, og mamma og pappa kjem på besøk for å hjelpe meg.
Hytta skal bli lysegrå med kvite vindauge og blågrønn ytterdør. Høyrest ikkje det flott ut???

Beste helga på lenge !

2007-09-16T19:22:00.000+02:00

Denne helga har eg hatt fri ifrå jobb, har ikkje vore på hyttetomta, og har gitt blaffen i husarbeid. Har stort sett oppholdt meg på syrommet eller i godstolen heile helga. I beg. av september var eg på quiltekurs her i Svelgen. På det kurset fekk vi i "lekse" å sy fronten til ein quiltebag. Har sydd og sydd og sydd. No er fronten ferdig, og eg er klar til vidare kurs.

Det vart veldig mykje brodering, så innimellom symaskinduren måtte eg ty til eit strikketøy. Har strikka fire oppvaskfiller iløpet av helga.

Hyttetoppdatering

2007-09-09T17:37:00.000+02:00

Det går heldigvis framover på hyttefronten. Altfor sakte etter mi meining, men det er no slik det er. Mykje som skal klaffe med rørlegger, betongbil, fri frå jobb etc. Men, vi fekk no støypt plata på fredag, i eit forferdelig regnvær. No gjenstår det riving av forskaling + litt småplukk før snekkarane kan komme.

Kurs i Japansk fletteteknikk

2007-09-09T17:17:00.001+02:00

Var på kurs i Japansk Fletteteknikk forrige helg. Det var kjempekjekt. Dette kjem eg til å gjere meir av, kanskje med dei smalaste banda på 5mm. Får no først montere dei to flettearbeida eg har laga. Veit ikkje heilt kva eg skal bruke dei til ennå, kanskje ei toalettveske av det grønne?

Årstidsteppe

2007-08-26T13:26:00.000+02:00

Dette teppet begynte eg på hausten 1998, på eit kurs med Patricia Iden. Ni av blokkene er handsaum, dei tre andre er maskinsaum. Alle blokkene er quilta for hand, men etter montering av teppet orka eg ikkje tanken på meir handquilting, så bordene vart quilta med maskin. Veggen i trappeoppgangen har stått og gapt etter dette teppet no i mange år. Endeleg er det på plass!

Kajakkpadling

2007-08-19T22:54:00.001+02:00

Måtte berre teste om ein slepp å scrolle seg ihjel når ein dobbeltklikkar på dette biletet. Har redusert størrelsen på det, før eg la det ut på nettet. Biletet er ifrå ein padletur i september ifjor.

Nydeleg vær og flott natur. Ein kjempefin dag.

Livsteikn

2007-08-19T21:34:00.000+02:00

Lenge sidan eg har laga innlegg no. Sidan sist har eg avvikla ei veke ferie, stått med rumpa i været og greve grøfter til vatn, straum og kloakk på hyttetomta, jobba masse, og sydd bittelitt. Dattera til mannen min (24 år) reiste tilbake til Sogndal på skule idag, etter å ha budd heime i 2 1/2 månad. Hennar tidlegare soverom, er omgjort til mitt syrom, så det har ikkje vorte gjort så mykje den tida ho har vore heime (har jobba skift på Elkem, og sove til alle døgnets tider).

No har eg fått vaska og rydda syrommet, og PC-en er tilbake på plassen sin.

Har til og med fått tid til å sy lukkekant på to brikker

som har lege leeeennnggee og venta !

Tidlegare arbeid

2007-07-29T22:42:00.000+02:00

Tenkte eg skulle vise noko av det eg har laga tidlegare.

Kjole til tanteungen min

Toalettveske i fletteteknikk

Vognteppe til ei som jobba i butikken tidlegare

Veske sydd til mor mi jula 2007

Hardangersaum

2007-07-29T22:27:00.000+02:00

Har rydda litt i nokre handarbeidskorger idag. Der dukka det opp enda ein UFO. Gjekk på kurs i Hardangersaum for nokre år sidan, og som den optimist eg er, byrja eg på ein løper med maassse arbeid. Er så vidt begynt på taggekanten rundt, men syntes det var veldig vanskelig, dermed vart han lagt vekk. Kanskje skal eg prøve meg på nytt?

Hjerteteppe

2007-07-29T22:12:00.000+02:00

Det første medlemsmøtet eg var på i NLQK, lærte vi å applikere hjerte med frysepapir. Sydde eitt hjerte den kvelden. Då eg kom heim var eg heilt hekta, og skar ut bakgrunner og hjerter til 20 blokker. Sydde eit par stykker, så vart alt liggande. Tok det fram no i forrige veke, og gjorde det ferdig. Hadde tenkt å gi det vekk som dokketeppe, men ombestemte meg. Det er jo trass alt litt nostalgi å behalde den hjerteblokka som utløyste interessa mi for lappeteknikk.

Hyttetomt på Liset

2007-07-26T21:09:00.000+02:00

Her kjem fleire bilete ifrå hyttetomta mi. Den ligg på Liset, vest for Kalvåg i Bremanger kommune. Vi får ei heilt fantastisk utsikt med sjøen/havet i mange retninger.

Ferdig planert hyttetomt

Utsikt frå Flona, som er det høgste fjellet i området.

Wilma

2007-07-26T20:45:00.000+02:00

Ein kveld vi trena ferskspor med Wilma, kom ho over dette geviret. Det måtte ho selvfølgelig få lov å ta med seg heim. No er Wilma godkjent som sporhund. Klarte begge prøvene med glans. Jaktprøve er avlagt, så no er vi klare til årets jaktsesong. Wilma har vokse masse i det siste. Om ei veke fyller ho 1 år.

Hyttetomt

2007-07-26T20:39:00.000+02:00

Det går framover på hyttefronten. No er tomta nesten ferdig. Vi skal planere litt meir på framsida mot sør, slik at vi får plass til ein skikkeleg uteplass. Så er det berre å begynne å forskale og støype. Gleder meg!

Wilma

2007-07-09T20:45:00.001+02:00

I begynnelsen av oktober 2006 var vi og henta oss ein nydeleg labradorkvalp. Ho heiter Labraskas Malakoff Wilma, men vi kaller ho berre for Wilma. Det er masse arbeid å oppdra ein vilter liten kvalp, men veldig moro. Vi driv og trenar for å få ho godkjent som ettersøkshund av hjort og anna storvilt. Er ferdig godkjent på blodspor, men må også klare ei fersksporprøve før vi kan ta til på årets jaktsesong. Det beste med å anskaffe seg hund, er at det alltid er nokon som venter på deg. Lograr med halen, slikkar deg i fjeset, og er din aller beste venn.

2007-07-09T19:50:00.000+02:00

Heilt ny på bloggerfronten. Veit ikkje kva eg gir meg ut på, men får ta prøve og feile litt og sjå kva det kan bli til etterkvart.